شاب من أهالي حائل المعروفين وشاعر له بصمته على صفحات الشعر ,, بين والده عقلاء والشيخ خالد الصعيدي صداقه قديمه وصادقه صورها الشاعر بهذه الأبيات الرائعة وهي تعبر عن نفسها .
بعض خلق الله نظامه .. سوالف فندقه = مثل لوحات الدعايه .. على جال الطريق!
خارجه تصميم فاخر .. وداخل صندقه = مع تحيات السلامه .. وطفاية حريق !
وبعض خلق الله من اللؤم .. سلم بندقه = المثالي صفقوله ؟؟ خذا جزمة فريق !
المصالح بين الانذال .. كذب وخندقه ! = جعلهم في خندق الكذب .. ياالشهم العريق
وانت طيبك ينتخي فيك .. كبر وزندقه = ليه ؟ لأن الطيب .. مع حضرتك عيا يفيق
اعتليت الطيب واصبح .. مناخك منطقه = يامناخ الطيب .. يافزعة البيت العتيق
خالد اسمك .. والصعيدي .. بفعلك ننطقه = واجتمع اسمك وفعلك .. شقيق(ن) مع شقيق
طيب غيرك يذكرونه .. برأس الملعقه = مادرو في طيب شرواك .. ياقمة طويق
يحسبون الطيب لعبة .. حروف وطقطقه = العفون اللي تساوم .. زفيره بالشهيق
فدوتك ياسيد الطيب .. جمع وتفرقه = ياصديق اللي من الوقت .. ماعنده صديق
صح لسانك ياولد عقلاء . والخال العزيز خالد يستاهل اكثر . وانا اشهد انهم على كلملة الله ورسوله اجتمعوا وأصبحو مثل الأخوة بل وأكثر . صدق من قال رب اخا لم تلده امك . ادام الله المحبه بين الأقارب والاصدقاء.
الرئيسية
المقالات
الصور
الأخبار
الصوتيات
الفيديو
2 | 
0 | 
4795
